ဘာသာရေး အခမ်းအနားအတွက် အသုံးပြုတဲ့ အဆောက်အဦးတွေအတွက် အသံစနစ် တပ်ဆင်တဲ့ခါ ထည့်စဉ်းစားရမဲ့ အချက်များစွာရှိနေပါတယ်။ ဘာသာများထဲက ခရစ်ယာန် ဘာသာဝင်များကတော့ ဂီတနဲ့ နီးစပ်သူများ ဖြစ်ကြတာမို့ အသံစနစ် တည်ဆောက် တပ်ဆင်ရာမှာ လိုအပ်ချက်တွေကို အသင့်တော်ဆုံး တွက်ချက် ပုံစံပြုနိုင်ကြပေမဲ့လို့ မြန်မာပြည်က အခြားသော ဘာသာဝင်များက ခရစ်ယာန် တရားဟော ခန်းမများနဲ့ စာရင် အသံစနစ် တပ်ဆင်ရာမှာ ကျွမ်းကျင်သူများရဲ့ အကြံပြုချက်နဲ့ တပ်ဆင်ကြတာ အားနည်းတာ တွေ့ရတတ်ပါတယ်။ ဒီအတွက် အများစုသော ဓမ္မာရုံ၊ တရားဟော ခန်းမများမှာ အသံစနစ်အားဖြင့် လိုတာထက် ပိုရင်ပို၊ မပိုရင် လိုအပ်တာထက် လျော့နည်းတဲ့ အရည်အသွေးရှိတဲ့ စနစ်မျိုးပဲ လက်ခံရရှိတတ်တာ တွေ့ရပါတယ်။

ဓမ္မာရုံလို နေရာမျိုးဟာ တရားဟော၊ တရားထိုင် ဘုရားဝတ်ပြုတဲ့ နေရာဖြစ်တာနဲ့ အညီ တရားဟောသူ ဆရာတော်ရဲ့  အသံဟာ လိုအပ်တဲ့ ပမာဏအထိ အသံကျယ်ကျယ်၊ ပြတ်ပြတ်သားသားနဲ့ ကြည်ကြည်လင်လင် ဖြစ်နေခြင်းအားဖြင့် တရားဓမ္မ အားထုတ်ကြသူများအတွက် အကောင်းဆုံး အတွေ့အကြုံကို ပေးစွမ်းနိုင်မှာလည်း ဖြစ်ပါတယ်။ 

ဆိုတော့ ဓမ္မာရုံ တစ်ခုအတွက် အသံစနစ် ဒီဇိုင်းရေးဆွဲခြင်းအတွက် အဓိက ဘာတွေ ထည့်သွင်း စဉ်းစားရမလဲ လေ့လာကြရအောင်ပါ။

အခန်းရဲ့ အသံ တုံ့ပြန်မှု (Acoustics)

အသံစနစ်အား ဒီဇိုင်းရေးဆွဲသောအခါတွင် တပ်ဆင်မဲ့ အခန်းရဲ့  အသံပိုင်း တုံ့ပြန်မှု  (Acoustics) ကို ထည့်သွင်း စဉ်းစားသင့်ပါတယ်။ ဒါမှလည်း မလိုအပ်ဘဲ ကျယ်လောင်လွန်းခြင်း မရှိတဲ့ မတိုးလွန်း၊ မကျယ်လွန်းသော ကြားသိနားလည်လွယ်တဲ့ ရှင်းလင်းပြတ်သားသော သဘာဝအသံကို ဖန်တီးနိုင်မှာ ဖြစ်ပါတယ်။ အသံပိုလျှံမှုများကို စုပ်ယူရန်နှင့် ပဲ့တင်သံနှင့် လှည့်ပတ်မှုကို လျှော့ချရန်အတွက် အသံစုပ်ယူ ဟန့်တားနိုင်သည့် အသံတား အကန့်များကို အသုံးပြုနိုင်ပါတယ်။

အသုံးပြုမဲ့စက်ပစ္စည်း

အသံစနစ်သည် အရည်အသွေးမြင့်ပြီး လိုအပ်ချက်များ အတွက် အထူးဒီဇိုင်း ထုတ် စဉ်းစားသင့်ပါတယ်။ တပ်ဆင်မဲ့ နေရာ၏ အရွယ်အစားနှင့် အပြင်အဆင်အတွက် သင့်လျော်သော အရည်အသွေးမြင့် စပီကာများ၊ အသံချဲ့စက်များနှင့် မိုက်ခရိုဖုန်းများ ပါဝင်သင့်ပါတယ်။ ဤနေရာမှာ မြန်မာပြည် စျေးကွက်အနေနဲ့ မိမိ လိုအပ်တဲ့ အခန်းအတွက် အသံ အရည်အသွေးအလိုက် မိမိ သုံးစွဲမဲ့ ကုန်ကျစရိတ်အတွင်း အကောင်းဆုံးဖြစ်မဲ့ ကိရိယာ၊ စက်ပစ္စည်းများ ရွေးချယ်သင့်ပါတယ်။ 

အသံအတိုးအကျယ်

အသံစနစ်၏ အသံအတိုးအကျယ်သည် နေရာနှင့် အခန်း အသုံးချမှုပုံစံ အလိုက် သင့်လျော်သော အသံ အတိုးအကျယ် ပမာဏ ဖြစ်သင့်ပါတယ်။ ဥပမာအားဖြင့် ပရိတ်ရွတ်ဆိုနေစဉ် သို့မဟုတ် တရားထိုင်ချိန်တွင် အသံသည် ပျော့ပျောင်းပြီး ငြိမ်သက်နေသင့်ပြီး၊ တရားဟောပြောပွဲ သို့မဟုတ် သင်ကြားပို့ချမှု  ပြုနေစဉ်တွင် လူတိုင်းကြားနိုင်စေရန် အတွက် လိုအပ်သော အသံကျယ်လောင်မှု ပမာဏ ရရှိရန် လိုအပ်ပါတယ်။

ပတ်ဝန်းကျင် အပေါ် ထည့်သွင်းစဉ်းစားမှု

အသုံးပြုမဲ့ ပတ်ဝန်းကျင် ဖြစ်သည့် ဆိတ်ငြိမ်မှုကို ဦးစားပေးသော တရားဓမ္မ ဟောကြား ပြသရာ နေရာ ဖြစ်သည့် အားလျော်စွာ ပတ်ဝန်းကျင်အား အနှောင့်အယှက် ဖြစ်စေသော ဆူညံသော အသံအနှောင့်အယှက် ထွက်ပေါ်နိုင်ခြင်း မရှိစေသော စနစ် ဖြစ်စေရေး ဦးစားပေး စဉ်းစား တည်ဆောက်သင့်ပါတယ်။ အသုံးပြုသော စက်ပစ္စည်း ကိရိယာများသည်လည်း ရှုပ်ထွေးမှု အနည်းဆုံး ဖြစ်ကာ၊ ရှင်းလင်း ကျစ်လစ်ပြီး ထိန်းချုပ် ကိုင်တွယ်ရ လွယ်ကူရိုးစင်းသော စနစ် ဖြစ်စေရေး အထူး စဉ်းစား ပုံစံထုတ်ပေးသင့်ပါတယ်။

အလွယ် တကူ အသုံးချနိုင်မှု

အကြားအာရုံချို့ယွင်းသူများ အပါအဝင် ခန်းမအတွင်းရှိလူတိုင်း အသုံးပြုနိုင်သော အသံစနစ် ဖြစ်သင့်ပါတယ်။ ဥပမာ အကြားအာရုံ အားနည်းသူများ အကူနားကျပ်တပ် နားဆင်နိုင်စေရေးအတွက် နားကြားကိရိယာ သို့မဟုတ် နားကြားကိရိယာများကဲ့သို့သော အပိုပစ္စည်းများကို အသုံးပြုရန် စဉ်းစား ပုံစံ ထုတ်ပေးနိုင်ပါတယ်။

အချုပ်အားဖြင့် ဓမ္မာရုံ တစ်ခုအတွက် အသံစနစ်တစ်ခု ပုံစံထုတ်ရာမှာ နေရာ၊ စက်ကိရိယာ၊ အသံအတိုးအကျယ်၊ နေရာဒေသ အတွက် ထည့်သွင်းစဉ်းစားမှုနှင့် အလွယ်တကူအသုံးချနိုင်မှုတို့ကို ဂရုတစိုက် ထည့်သွင်းစဉ်းစားရန် လိုအပ်ပါတယ်။ ကောင်းမွန်စွာ ဒီဇိုင်းထုတ်ထားသော အသံစနစ်တစ်ခုသည် ခန်းမသို့လာရောက်သူများ၏ ဓမ္မ ဟောကြား နာကြားမှုအတွေ့အကြုံကို မြှင့်တင်ပေးနိုင်ပြီး ဟောကြားပို့ချချက်များကို ကြည်လင် ပြတ်သား တိကျစွာ ကြားနာ နားလည်နိုင်စေရန်နှင့် တရားထိုင်ခြင်းနှင့် အခြားလုပ်ဆောင်မှုများတွင် ပါဝင်ဆောင်ရွက်ခြင်းတို့ကို ပိုမို လွယ်ကူစေမှာပဲ ဖြစ်ပါတယ်။ ဓမ္မာရုံများအတွက် အသင့်တော်ဆုံး အသံစနစ် တစ်ခု တည်ဆောက်နိုင်ဖို့ လိုအပ်တဲ့ နည်းပညာဆိုင်ရာ အကူအညီကို ကျွန်တော်များ BOH မှ ကူညီဖို့ အသင့် ရှိနေပါတယ်။