ရုပ်မြင်သံကြား ပြသမှုများနှင့်ပတ်သက်၍ လူကြိုက်များတဲ့ ရွေးချယ်စရာနှစ်ခုမှာ အိမ်သုံးတီဗီတွေနဲ့ CommercialVideowall Display တို့ဖြစ်ကြပါတယ်။ နှစ်မျိုးစလုံးဟာ အရောင်တောက်ပတဲ့ စွဲမက်ဖွယ်ကောင်းသော ရုပ်ပုံများကို ထုတ်ပေးခြင်းဆိုတဲ့ ပင်မ ရည်ရွယ်ချက်ကို လုပ်ဆောင်နိုင်ကြပေမဲ့လို့ မတူ ကွဲပြားတဲ့ ပတ်ဝန်းကျင်နဲ့  အသုံးချမှုများအတွက် ဖြည့်ဆည်းပေးနိုင်ဖို့ ဒီဇိုင်းထုတ်ထားကြတာ ဖြစ်ပါတယ်။ ဒီနည်းပညာများကြား အဓိကကွာခြားချက်များကို နားလည်ခြင်းဖြင့် သုံးစွဲသူများသည် ၎င်းတို့၏ သီးခြားလိုအပ်ချက်များနဲ့ လိုအပ်ချက်များအပေါ် အခြေခံပြီးတော့ အကျိုးရှိ ထိရောက်တဲ့ ဆုံးဖြတ်ချက်များချနိုင်ရန် ကူညီပေးနိုင်ပါတယ်။

အသုံးပြုမှုရည်ရွယ်ချက်နှင့် အသုံးချမှု ပုံစံ

လူသုံးတီဗီများသည် ဧည့်ခန်း၊ အိပ်ခန်းများ သို့မဟုတ် အိမ်တွင်းရုပ်ရှင်ရုံများတွင် အရည်အသွေးမြင့် ဗီဒီယိုနှင့် အသံအတွေ့အကြုံများကို ပေးဆောင်သည့် အိမ်တွင်းဖျော်ဖြေရေးအတွက် အဓိကရည်ရွယ်ပါတယ်။ အခြားတစ်ဖက်မှာ Video Wall Display ကတော့ ကြော်ငြာများ၊ ဒစ်ဂျစ်တယ် ဆိုင်းဘုတ်များ၊ ထိန်းချုပ်ခန်းများနှင့် အများသူငှာ သိစေလိုတဲ့ သတင်းအချက်အလက် ပြသမှုများကဲ့သို့သော အသုံးချမှုများအတွက် ကြီးမားတဲ့ပုံစံ၊ ချောမွေ့မှုရှိသော ရုပ်ပုံများကို ပရော်ဖက်ရှင်နယ် ပြသတင်ဆက်မှုများ အတွက် စီးပွားရေးလုပ်ငန်းဆိုင်ရာ ဗီဒီယိုပြကွက်များကို ဒီဇိုင်းထုတ် ထားပါတယ်။ အိမ်သုံးတီဗီ အနေနဲ့ 32, 40, 42, 49, 55, 65, 85, 90 လက်မတို့အထိ အများဆုံး ထုတ်လုပ်ကြပြီးတော့ ဒီထက်ကြီးမားတဲ့ ပြသမှုမျိုးအတွက်ဆိုရင်တော့ တစ်ခုထက် ပိုတဲ့ Display များ ချိတ်ဆက် အသုံးပြုဖို့အတွက် ပိုပြီး သင့်တော်ပါတယ်။

မျက်နှာပြင်အရွယ်အစားနှင့် ကြည်လင်ပြတ်သားမှု

အိမ်သုံးတီဗီများကို ပုံမှန်အားဖြင့် 32 လက်မမှ 85 လက်မ သို့မဟုတ် ထို့ထက် ပိုမိုကြီးမားတဲ့ စခရင်အရွယ်အစား အမျိုးမျိုးဖြင့် ရရှိနိုင်ပါတယ်။ Resolution အနေနဲ့ Full HD (1080p)၊ 4K Ultra HD (2160p) နှင့် High-end မော်ဒယ်များအတွက် 8K ရုပ်ထွက်များ အပါအဝင် resolution အများအပြားကို ပံ့ပိုးပါတယ်။ Videowall Display များကတော့စီးပွားရေးဆိုင်ရာ ကြော်ငြာများကို ကြီးမားပြီး စဉ်ဆက်မပြတ်ပြသမှုကို ဖန်တီးနိုင်ဖို့ အတွက် စခရင် ခပ်သေးသေးများကို အတူတကွ ချိတ်ဆက်ပြီး ကြီးမားတဲ့ မျက်နှာပြင် အဖြစ် တည်ဆောက်နိုင်ပါတယ် ။ Videowall မှာပါဝင်တဲ့ အကန့်တစ်ခုစီအတွက် အများအားဖြင့် အိမ်သုံး TV များထက် ပုံရိပ်ပြတ်သားမှု နည်းပါးပေမဲ့လို့ အချပ်ပေါင်းများစွာ ပေါင်းစပ်လိုက်တဲ့ခါ ပိုကြီးတဲ့ ကြည့်ရှုစွဲမက်ဖွယ်ရာ မျက်နှာပြင် အကြီးကြီးတစ်ခု ဖြစ်လာမှာ ဖြစ်ပါတယ်။

ဘေးဘောင်အရွယ်အစား

ဒီ Display နှစ်မျိုးကြား သိသာထင်ရှားတဲ့ ခြားနားချက်တစ်ခုကတော့ Bezel  လို့ခေါ်တဲ့ ဘေးဘောင် အရွယ်အစားပဲ ဖြစ်ပါတယ်။ အိမ်သုံးတီဗီများမှာ ဖန်သားပြင်ကို ကာရံထားတဲ့ အနားသတ်များဖြစ်သည့် သိသာထင်ရှားသော ဘေးဘောင်များ ပါရှိလေ့ရှိပါတယ်။ Videowall စနစ် တပ်ဆင်တဲ့ခါ ဒီဘေးဘောင်များဟာ အနှောင့်အယှက် ဖြစ်စေနိုင်ပါတယ်။Commercial Videowall Display များမှာကျတော့ အလွန်ပါးလွှာတဲ့ ဘေးဘောင်များ သို့မဟုတ် ဘောင်မပါသော ဒီဇိုင်းများကိုပင် ဂုဏ်ယူဝင့်ကြွားစွာ ကြွားလုံးထုတ်နိုင်ကာ ချောမွေ့ပြီး တစ်ခုထက် ပိုပြီး ဆက်ထားတယ်ဆိုတဲ့ အမြင်ထက် မျက်နှာပြင် တစ်ခုတည်းဆိုတဲ့ အမြင်အာရုံကို ရရှိစေမှာ ဖြစ်ပါတယ်။

ကြာရှည်ခံမှုနှင့် ယုံကြည်စိတ်ချရမှု

အိမ်သုံးတီဗီများဟာ ပုံမှန်အိမ်သုံးအသုံးပြုမှုကို ခံနိုင်ရည်ရှိစေရန် တည်ဆောက်ထားသော်ပေမဲ့လို့ စီးပွားဖြစ် နာရီများစွာ အသုံးချမှု တောင်းဆိုမှုအခြေအနေများကို ကိုင်တွယ်ဖြေရှင်းနိုင်မှာ မဟုတ်ပါဘူး။ Commercial Videowall Display များကတော့ စဉ်ဆက်မပြတ် အလုပ်လုပ်နိုင်ဖို့အတွက် နည်းပညာဖြင့် ဖန်တီးထားပြီး ပိုမိုကြာရှည်ခံမှုနှင့် ယုံကြည်စိတ်ချရမှုကို ပေးစွမ်းနိုင်ပါတယ်။ Display ကို 24/7 အသုံးပြုနိုင်ဖို့ ဒီဇိုင်းထုတ်ထားပြီး အပူလွန်ကဲမှုကို ကာကွယ်ဖို့အတွက် အဆင့်မြင့် အအေးပေးစနစ်များ တပ်ဆင်ထားလေ့ရှိပါတယ်။

ချိတ်ဆက်မှုနှင့် ထိန်းချုပ်မှု

အိမ်သုံးတီဗီများဟာ ပုံမှန်အားဖြင့် ဂိမ်းကွန်ဆိုးများ၊ တိုက်ရိုက်လွှင့်စက်များ သို့မဟုတ် Blu-ray ပလေယာများကဲ့သို့ ပြင်ပစက်ပစ္စည်းများကို ချိတ်ဆက်ရန်အတွက် HDMI နှင့် USB အပေါက်များပါရှိပါတယ်။ Commercial Videowall Display များကတော့ အဝေးထိန်းစောင့်ကြည့်ခြင်းနှင့် ထိန်းချုပ်ရန်အတွက် DisplayPort၊ DVI နှင့် Ethernet အပါအဝင် ပိုမိုကွဲပြားသော ချိတ်ဆက်နည်းများစွာ ရွေးချယ်စရာများကို ပံ့ပိုးပါတယ်။ ဒီအင်္ဂါရပ်များဟာ ပရော်ဖက်ရှင်နယ် တပ်ဆင်မှုများအတွက် အရေးပါပြီး ဗဟိုချုပ်ကိုင်မှု စီမံခန့်ခွဲမှုနှင့် ရှုပ်ထွေးသော စနစ်များဖြင့် လွယ်ကူစွာ ပေါင်းစပ်နိုင်စေပါတယ်။

ကုန်ကျစရိတ်နှင့် တာရှည်ခံမှု

အိမ်သုံးတီဗီများဟာ Commercial Display များထက် ယေဘုယျအားဖြင့် ပို၍စျေးသက်သာပါတယ်။ သို့ပေမဲ့ နောက်ပိုင်းတွင် ပိုမိုကောင်းမွန်သော သက်တမ်းနှင့် စွမ်းဆောင်ရည်ကို ပေးစွမ်းပြီး တိုးချဲ့ကာလတစ်လျှောက် အဆက်မပြတ် အနှောက်အယှက်ကင်းကင်း အလုပ်လုပ်နိုင်ဖို့ စီးပွားရေးလုပ်ငန်းများအတွက် စရိတ်သက်သာသော ရွေးချယ်မှု တစ်ခုလည်း ဖြစ်ပါတယ်။

အချုပ်အားဖြင့် အိမ်သုံးတီဗီနှင့် Commercial Videowall Display နှစ်ခုစလုံးဟာ ရုပ်သံထုတ်လုပ် ပြသမှု ဖြစ်သည့် ၎င်းတို့၏ အဓိက ရည်ရွယ်ချက် တူညီသော်လည်း ကွဲပြားချက်မှာ ၎င်းတို့၏ အသုံးချပုံနှင့် ဒီဇိုင်းပုံစံတို့ပ ဖြစ်ပါတယ်။ အိမ်သုံးတီဗီများဟာ အိမ်တွင်းဖျော်ဖြေရေးအတွက် အကောင်းဆုံးဖြစ်ပြီး ကောင်းမွန်သော ရုပ်ပုံအရည်အသွေးနှင့် အသံထုတ်လုပ်မှုကို ပံ့ပိုးပေးပါတယ်။ Commercial Videowall Display များကို တာရှည်ခံမှု၊ ချောမွေ့မှု ရှိသောရုပ်ပုံများနှင့် အဝေးထိန်းထိန်းချုပ်မှုတို့သည် မရှိမဖြစ်လိုအပ်သည့် ပရော်ဖက်ရှင်နယ် တပ်ဆင်မှုများအတွက် အံဝင်ခွင်ကျဖြစ်စေမှာ ဖြစ်ပါတယ်။ မှန်ကန်သောရွေးချယ်မှုပြုလုပ်နိုင်စေဖို့အတွက် Display ၏ သီးခြားလိုအပ်ချက်များ၊ ဘတ်ဂျက်နှင့် ရည်ရွယ်အသုံးပြုမှုအပေါ် မူတည်ပြီး ဆုံးဖြတ်ရမှာ ဖြစ်ပါတယ်။