စနစ်အစအဆုံး လေ့လာဆန်းစစ်ကြည့်ခြင်း

ခေတ်မီအဆောက်အဦး တစ်ခုဖြစ်ခြင်းရဲ့ အမှတ်ပေးစဉ်းမျဉ်းထဲမှာ စနစ်ကျတဲ့ ELV စနစ် တပ်ဆင်ထားခြင်း ရှိ၊ မရှိ ဆိုတာ ထိပ်ဆုံးကပါလေ့ပါထ​ရှိပါတယ်။ စဉ်ဆက်မပြတ် ဆက်သွယ်ရေး၊ လုံခြုံ အန္တရာယ်ကင်းရှင်းစေရေးနဲ့ အလိုလျောက်လုပ်ဆောင်နိုင်သော စနစ်များ တည်ဆောက်ရေးအတွက် မရှိမဖြစ် အခြေခံစနစ်ဟာ ELV စနစ်ပဲ ဖြစ်ပါတယ်။ ဒီစနစ်များမှာ များပြားလှတဲ့ ပစ္စည်းကိရိယာများအပေါ်မှီတည်မနေတာ ဖြစ်တဲ့အတွက် အဲဒီ ပစ္စည်းကိရိယာများရဲ့ လုပ်ဆောင်နိုင်စွမ်းရည်နဲ့ တာရှည်ခံမှုအပေါ်မှာ ELV စနစ်ရဲ့ အရည်အသွေးက အများကြီး မှီတည်နေပါတယ်။ အကြမ်းခံပြီး ရေရှည် အဆင့်မြှင့်တင်နိုင်တဲ့ မြင့်မားတိုးတက်လာမဲ့ စနစ်များကို လိုက်ပါ အလုပ်လုပ်နိုင်စေမဲ့ စနစ်တစ်ခု ဖြစ်စေဖို့အတွက် စံနစ်ပုံစံထုတ်သူ ဒီဇိုင်နာများ၊ စနစ်တစ်ခုထက် ပိုပြီး ချိတ်ဆက်လုပ်ဆောင်ပေးသူ ကန်ထရိုက်တာများနဲ့ အဆောက်အဦး နည်းပညာဆိုင်ရာ စီမံခန့်ခွဲသူများဟာ မိမိ အဆောက်အဦးနဲ့ ကိုက်ညီတဲ့ စနစ်တစ်ခု ပုံစံပြုတည်ဆောက်ရာမှာ ဒီ များပြားလှတဲ့အစိတ်အပိုင်းများရဲ့ အရေးကြီး၊ အရေးပါမှုကို သိမြင် နားလည်ထားခြင်းအားဖြင့် အများကြီး အထောက်အကူပြုပါလိမ့်မယ်။ ဒီ ဆောင်းပါး အတွင်းမှာတော့ ELV Systems များရဲ့ ကျောရိုးဖြစ်တဲ့ ကိရိယာများနဲ့ အဲဒီ ကိရိယာများရဲ့ အရေးပါမှု၊လုပ်ဆောင်မှုနဲ့ အကျိုးသက်ရောက်မှုများကို လေ့လာ ကြပါမယ်။

—

၁။ ကေဘယ်နှင့် ဝါယာကြိုးများ – ELV စနစ်များရဲ့ အသက်သွေးကြော

ELV Systems များ တပ်ဆင်မှုအတွက် ဒေတာနဲ့ ပါဝါများ အကြားအလပ်မရှိ စီးဆင်းရာ လမ်းကြောင်းအဖြစ်အသုံးတော်ခံတဲ့ Cable နဲ့ Wire များ ဖြစ်ကြပါတယ်။

-ကေဘယ်အမျိုးအစားများ

ELV Systems များ တပ်ဆင်ရာမှာ အမျိုးမျိုး အပြားပြားသော ကေဘယ်များကို ရွေးချယ်တပ်ဆင် အသုံးပြုကြရပါတယ်။ ဒီအနက် ဗီဒီယို အချက်အလက် ဖြန့်ဖြူးသယ်ဆောင်ဖို့ Coaxial Cable များကိုလည်းကောင်း ၊ ဒေတာအချက်အလက်များ သယ်ယူဖြန့်ဖြူးဖို့ Twisted Pair ကေဘယ်များကိုလည်းကောင်း၊​ မြန်နှုန်းမြင့် အကွာအဝေးဝေးဝေးသို့ ဒေတာ အချက်အလက်များ သယ်ယူဖြန့်ဖြူးဖို့ ဖိုင်ဘာ အော့ပတစ် ကေဘယ်များကိုလည်းကောင်း၊​ လျှပ်စစ်သံလိုက်လှိုင်း နှောင့်ယှက်မှုကို ကာကွယ်နိုင်စေဖို့ Shield Cables များကိုလည်းကောင်း နေရာအလိုက် သင့်တော်ရာ ရွေးချယ် အသုံးပြုကြပါတယ်။ ဒီကေဘယ်တွေ ကြားထဲမှာတော့ သယ်ပို့ပေးနိုင်တဲ့ ဒေတာအချက်အလက် မြန်နှုန်းနဲ့ လှိုင်းခွင်အကျယ်ပမာဏမှာတော့ ဖိုင်ဘာအော့ပတစ် ကေဘယ်က ပြိုင်စံရှား နံပတ်တစ် အဖြစ် ရပ်တည်လျက်​ ရှိပါတယ်။ 

– သတင်းအချက်အလက် အရည်အသွေး ကြံ့ကြံ့ခံနိုင်ရည်

အရည်အသွေးမြင့် ကေဘယ်များဟာ သယ်ပို့တဲ့ သတင်းအချက်အလက်များရဲ့ အရည်အသွေး ယုတ်လျော့ ကျဆင်းသွားမှု မရှိစေဖို့အတွက် အာမခံနိုင်ဖို့ အရေးကြီးလှပါတယ်။ ကေဘယ်ရဲ့ အရည်အသွေးပေါ်မူတည်ပြီး ပေးပို့တဲ့ သတင်းအချက်အလက်ရဲ့  အစိတ်အပိုင်းလိုက် ပျောက်ဆုံးမှု၊ လှိုင်းအနှောင့်အယှက် ဖြစ်ပေါ်မှုတွေက သတင်းအချက်အလက် အရည်အသွေးပေါ် သက်ရောက်မှု များပြားလှပါတယ်။ ဒီ အရည်အသွေး ယုတ်လျော့ ကျဆင်းမှုကို ကာကွယ်နိုင်စေဖို့အတွက် လှိုင်းနှောင့်ယှက်မှု အကာအရံ တပ်ဆင်ခြင်း (Shielding)၊ စနစ်ကျတဲ့ မြေစိုက်ကြိုးတပ်ဆင်ခြင်း (Grounding) နဲ့ တပ်ဆင်ပြေးဆွဲပုံ အကောင်းဆုံး နည်းစဉ်များကို လိုက်နာ ပြေးဆွဲခြင်းဖြင့် အနည်းဆုံး ထိခိုက်မှုနဲ့ ပြေးဆွဲနိုင်စေမှာလည်း ဖြစ်ပါတယ်။ 

– မီးအပူဒဏ်ခံ ကေဘယ်များ

အပူချိန် ပြင်းထန်လှတဲ့ မီးလောင်ကျွမ်းနေဆဲ ပတ်ဝန်းကျင်မှာကို သာမာန် ကေဘယ်များလို အရည်ပျော်ကျသွားမှု မရှိစေဘဲ ဆက်လက် တာဝန်ထမ်းဆောင်နေဆဲ ဖြစ်စေမဲ့ မီးအပူဒဏ်ခံ ကေဘယ်များဟာြဖင့် မီးအချက်ပြစနစ် တို့လို ELV Systems များအတွက် မရှိမဖြစ် ဖြစ်ပါတယ်။ ဒီလို ကေဘယ်ကို ရွေးချယ်ရာမှာတော့ သက်ဆိုင်ရာ အန္တရာယ်ကင်းရှင်းစေရေး စံနှုန်းသတ်မှတ်ချက်များနဲ့ အညီ အပူချိန် ဘယ်ရွေ့ဘယ်မျှမှာဖြင့် ဘယ်နှစ်နာရီအထိ မီးအပူဒဏ်ခံနိုင်ကြောင်း ထုတ်လုပ်သူများ ပေးအပ်တဲ့ စနစ်ကျသော စမ်းသပ်စနစ်များဖြင့် စစ်ဆေးထားရှိတဲ့ ကေဘယ် အမျိုးအစားများကို ရွေးချယ် တပ်ဆင်နိုင်စေဖို့ အင်မတန်မှ အရေးကြီးလှပါတယ်။ 

—

၂ ။​ ကြိုးဆက်ပစ္စည်းများနှင့် ကြိုးအဆုံးသတ် ဆက်သွယ်ရာ ကြိုးခေါင်းများ

ELV System ရဲ့ ပါဝင်တဲ့ ကိရိယာများကို ဆက်သွယ်ပေးရာ ကေဘယ်ကြိုးများနဲ့ စည်းနှောင်ချိတ်ဆက်ပေးတာက ကြိုးဆက်ပစ္စည်းများနှင့် ကြိုးအဆုံးသတ် ခေါင်းများ ဖြစ်ကြပါတယ်။ ဒီကြိုးဆက်ခေါင်းများရဲ့ အကူအညီနဲ့ ကောင်းမွန်သော ဒေတာနဲ့ ပါဝါ ချိတ်ဆက်ဖြန့်ဝေမှုများကို လုပ်ဆောင်ပါတယ်။ 

– အသုံးများဆုံး အမျိုးအစားများ

အီသာနက်ဆက်သွယ်မှုအတွက် RJ45 ခေါင်းများကို တွင်တွင်ကျယ်ကျယ် သုံးကြပါတယ်။ ဗီဒီယိုချိတ်ဆက်မှု အတွက် BNC ခေါင်းများနဲ့ လျှပ်စစ်ပါဝါချိတ်ဆက်မှုများအတွက် Terminal Block များကို အသုံးပြုပါတယ်။ ချိတ်ဆက်မှု တစ်ခုချင်းတိုင်းမှာ သူ့ရဲ့ ဦးစားပေး ရည်ရွယ်ချက်၊​ လုပ်ဆောင်နိုင်စွမ်းရည်နဲ့ အသုံးတည့်မှု ရှိကြပါတယ်။ 

– အကြမ်းခံနိုင်မှုနှင့် လုပ်ဆောင်နိုင်စွမ်း

အရည်အသွေးမြင့် ဆက်သွယ်ခေါင်းများဟာ ကြမ်းတမ်းခက်ထန်တဲ့ ပတ်ဝန်းကျင် အခြေအနေတွေကို ကြံ့ကြံ့ခံနိုင်ဖို့ ဦးစားပေးတည်ဆောက်ထားကြတာမို့ ပွန်းစားမှုနဲ့ အလွယ်တကူပျက်စီးမှု ဒဏ်ကိုခံနိုင်ရည် ရှိကြပြီး ရေရှည် အသုံးခံနိုင်ကြပါတယ်။

– တပ်ဆင်ရန် လွယ်ကူခြင်း

ခေတ်မီ ကြိုးဆက်ခေါင်းများ အထူးသဖြင့် Modular Plug နဲ့ စက်ရုံထုတ် ခေါင်းရိုက်ပြီး ဆက်ခေါင်းများဟာ ကနဦးတပ်ဆင်မှု ဖြစ်စေ၊ ထပ်တိုး တပ်ဆင်မှုအတွက်ဖြစ်စေ အဆင့်ဆင့်သော တပ်ဆင်မှုများ အတွက် အချိန်ကုန်သက်သာ၊ အားအင်စိုက်ထုတ်မှု အနည်းဆုံး၊ အမှားအယွင်း ချို့ယွင်းမှု အနည်းဆုံးနဲ့ တပ်ဆင်မှု လုပ်ဆောင်နိုင်ကြပါတယ်။

—

၃။ Power Supplies and Backup Systems: စဉ်ဆက်မပြတ် လုပ်ဆောင်နိုင်စွမ်းအတွက် အာမခံမှု

ELV Systems များရဲ့ လုပ်ငန်းဆောင်တာများ အပြည့်အဝ အကြားအလပ်မရှိ လုပ်ဆောင်နိုင်စေဖို့အတွက် Power Supplies နဲ့ Backup Power ပံ့ပိုးမှုက အရေးကြီးပါတယ်။ ၎င်းတို့ရဲ့ အကူအညီနဲ့ အထူးသဖြင့် လျှပ်စစ်မီး ပြတ်တောက်တဲ့ အခြေအနေ၊ သို့မဟုတ် မတည်ငြိမ်တဲ့ လျှပ်စစ်အဝင်အား အခြေအနေတွေမှာပါ စနစ်ရဲ့ လုပ်ဆောင်မှု အဟန့်အတား မရှိ လုပ်ဆောင်နိုင်စေမှာလည်း ဖြစ်ပါတယ်။ 

– AC/DC Converters

မတူညီတဲ့ ဗို့လိုအပ်ချက်အလိုက် ကိုက်ညီတဲ့ ဗို့လ်အား ပေးအပ်နိုင်စေဖို့၊ တက်ကျလှုပ်ရှားမှု မရှိတဲ့ တည်ငြိမ်တဲ့ ဗို့လ်အား ပေးအပ်နိုင်ပြီး လုပ်ဆောင်နိုင်စွမ်း ကောင်းမွန်တဲ့ စနစ်တစ်ခု ဖြစ်စေဖို့ AC/DC Converters (Adaptors) များကို အသုံးပြုကြပါတယ်။

– UPS (Uninterruptible Power Supplies)

လျှပ်စစ်မီး ခေတ္တပြတ်တောက်တဲ့ အခါ စီစီတီဗီကင်မရာတို့ကဲ့သို့ အန္တရာယ်ကာကွယ်ရေးစနစ်များ၊ မီးအချက်ပေး စနစ်များကို ခေတ္တ မီးပေးထားနိုင်စေဖို့ UPS များကို သုံးပါတယ်။ UPS မှာပဲ မလိုလားအပ်တဲ့ ရုတ်တရက် မီးဆောင့်တက်ခြင်းတို့ကို ကာကွယ်နိုင်စေဖို့ အဆင့်မြင့် ကာကွယ်ရေး စနစ်များလည်း တပါတည်း ပါဝင်လေ့ရှိကြပါတယ်။

– Backup Batteries

မီးသတိပေးစနစ်နဲ့ ဝင်ထွက်တံခါးထိန်းချုပ်စနစ်များမှာ တွေ့ရလေ့ ရှိပြီး အရေးပေါ် အခြေအနေမှာ လုပ်ငန်းလုပ်ဆောင်မှု မပျက်စေဖို့ ကူညီပေးကြပါတယ်။ အများအားဖြင့် လစ်သီယမ် အိုင်းယွန်းအခြေခံ ခေတ်မီ နည်းပညာသုံး ဘက်ထရီများဟာ အရည်အသွေးမြင့်ပြီး သက်တမ်းရှည်ကြာစွာ သုံးစွဲနိုင်တဲ့အတွက် ပုံမှန် lead acid battery တွေနဲ့ စာရင် ပြင်ဆင်ထိန်းသိမ်းရစရိတ် သက်သာစေမှာ ဖြစ်ပါတယ်။

—

၄ ။ Control Panels: ELV Systems စံနစ်များအတွက် ဗဟိုထိန်းချုပ်ဌာန

ELV Systems များရဲ့ ထိန်းချုပ်ရာ ဗဟိုဌာန အဖြစ် ကွန်ထရိုးပန်နယ်များက လုပ်ဆောင်ပေးလေ့ရှိပြီး မတူတဲ့ အစိတ်အပိုင်းများစွာကို တစ်နေရာတည်းကနေ ချိတ်ဆက်ပြီး​ ဗဟိုထိန်းချုပ်မှုများကို ဆောင်ရွက်ပေးပါတယ်။ 

– Fire Alarm Panels:

မီးအရေးပေါ်ဖြစ်တဲ့ နေရာကို တိတိကျကျ အာရုံခံပြီး သတ်မှတ်ထားတဲ့ ဇုံအလိုက် မီးသတိအချက်ပေးသံများ ထုတ်ပြန်ပေးတဲ့ လုပ်ငန်းကို လုပ်ဆောင်ပေးပါတယ်။ 

– Access Control Panels:

အဝင်အထွက် တံခါးများကို စောင့်ကြည့်ပြီး တင်ကြိုသတ်မှတ်ထားတဲ့ လုံခြုံရေး အကန့်အသတ်များအတိုင်း ခွင့်ပြု၊ တားဆီးတဲ့ အလုပ်ကို လုပ်ဆောင်ပါတယ်။ ရုံးတက်ရုံးဆင်း အချိန်မှတ်တဲ့ လုပ်ငန်းနဲ့ ဧည့်သည် စီမံခန့်ခွဲတဲ့ လုပ်ဆောင်မှုကိုလည်းတွဲဖက် လုပ်ဆောင်ပေးနိုင်ပါတယ်။ 

– Building Management System (BMS) Panels:

အဆောက်အဦးတွင်း အပူအအေးကို လိုက်ပြီး HVAC System ကိုလိုအပ်သလို အလိုလျောက် ထိန်းကျောင်း မောင်းနှင်ပြီး အလင်းပေးမှု စနစ်၊ လျှပ်စစ်စွမ်းအားကို အကျိုးရှိဆုံး အသုံးချနိုင်ဖို့ လုပ်ဆောင်ပေးပါတယ်။ ခေတ်မီ BMS Panel များမှာ အသုံးပြုရလွယ်ကူတဲ့ ထိန်းချုပ်မျက်နှာပြင်များ ရှိကြပြီး အဆောက်အဦးရဲ့ စွမ်းအင် သုံးစွဲမှုနဲ့ စီမံခန့်ခွဲမှု အရည်အသွေးကို တိုးတက် ကောင်းမွန်စေဖို့ အထူး အထောက်အကူ ပြုပါတယ်။

—

၅ ။ Sensors and Detectors: စနစ်ရဲ့ တုံ့ပြန်နိုင်စွမ်း အကောင်းဆုံး ဖြစ်စေမဲ့ ကိရိယာများ

ELV Systems များအတွက် Sensors များနဲ့ Detectors များသည် သတင်းအချက်အလက် ရယူခြင်း၊ ရရှိလာသော သတင်း အချက်အလက်များအတိုင်း လိုအပ်သော ထိန်းချုပ်မောင်းနှင်မှုများ ဆောင်ရွက်ခြင်းအားဖြင့် လုံခြုံ အန္တရာယ် ကင်းရှင်းရေးနှင့် စနစ်ရဲ့ လုပ်ဆောင်နိုင်စွမ်းရည် မြင့်မားစေမှာ ဖြစ်ပါတယ်။

– Motion Sensors

လုံခြုံရေးနှင့် အလင်းရောင် အလိုအလျောက်စနစ် ကဲ့သို့သော အပလီကေးရှင်းများတွင် အသုံးပြုသည့် နည်းပညာနှစ်ခု အာရုံခံကိရိယာများသည် passive အနီအောက်ရောင်ခြည်နှင့် မိုက်ခရိုဝေ့ဖ်နည်းပညာများကို ပေါင်းစပ်ကာ မှားယွင်းသော အချက်ပြမှုများကို လျှော့ချပေးပါတယ်။

– Smoke and Heat Detectors

ဆောလျင်စွာ အချက်ပြ သတိပေးမှု စနစ်အတွက် ဤ​အာရုံခံ ကိရိယာများနှင့် မီးသတ်စနစ်များ ပူးပေါင်းတပ်ဆင်ကြရလေ့ ရှိပါတယ်။ Multi-sensor detectors များသည် မီးခိုး၊ အပူနှင့် ကာဗွန်မိုနောက်ဆိုဒ် သိရှိနိုင်မှု စွမ်းရည်တို့ကို ပေါင်းစပ်ခြင်းဖြင့် တိကျမှုကို မြှင့်တင်ပေးပါတယ်။

– Proximity Sensors

ထိတွေ့မှု မလိုဘဲ အဝင်အထွက် ထိန်းချုပ်မှုစနစ်များတွင် မကြာခဏအသုံးပြုထားသောကြောင့် အဆိုပါ အာရုံခံ ကိရိယာများဟာ လူသွားလူလာများသောနေရာများတွင် တစ်ကိုယ်ရေသန့်ရှင်းမှုနှင့် ထိရောက်မှုကို မြှင့်တင်ပေးပါတယ်။

—

၆။ Network Switches and Routers: Digital စနစ်၏ ပင်မကျောရိုး

Network Switches များနှင့် Routers များသည် ELV စနစ်များအတွင်း ဆက်သွယ်ရေးအတွက် အခြေခံအုတ်မြစ်ဖြစ်ပြီး ချောမွေ့သောချိတ်ဆက်မှုနှင့် ဒေတာစီးဆင်းမှုကို အာမခံပေးသော အစိတ်အပိုင်းများ ဖြစ်ကြပါတယ်။

– Network Switches

ELV စနစ်အတွင်း ဆက်သွယ်ထားတဲ့ ကိရိယာများအကြား ဒေတာအချက်အလက် ဖြန့်ဖြူးရေးအတွက် လုပ်ဆောင်ပါတယ်။ VLANs, QoS Settings နဲ့ Remote Monitoring တို့လို ပိုမို ကောင်းမွန်တဲ့ traffic management အတွက် Managed switches များကို အသုံးပြုနိုင်ပါတယ်။ 

– Routers

ကွန်ရက်အတွင်းရှိ ကိရိယာများနှင့် ပြင်ပစနစ်များ ဆက်သွယ်ရာမှာ အသုံးပြုပြီး remote access နဲ့ management လို အလုပ်မျိုးအတွက် အသုံးပြုပါတယ်။ တစ်ခုထက် ပိုတဲ့ ပြင်ပ ISP များက ပေးလာတဲ့ WAN များကို တွဲယှဉ်ပြီး အကြားအလပ်မရှိ အင်တာနက် ဆက်သွယ်မှု ရရှိနိုင်စေရေးအတွက်လည်း အဆင့်မြင့် Routers များက လုပ်ဆောင်ပေးနိုင်စွမ်းပါတယ်။ 

– PoE (Power over Ethernet)

ဒေတာနဲ့ ပါဝါကို ကြိုးတစ်ကြိုးတည်းကနေ ဖြန့်ချိခြင်းအားဖြင့် ကိရိယာများကို ပါဝါသပ်သပ် ဒေတာသပ်သပ် ပို့လွှတ်ချိတ်ဆက်နေစရာ မလိုဘဲ ကြိုးတစ်ချောင်းတည်းနဲ့ အလုံးစုံ အလုပ်လုပ်နိုင်ရေးအတွက် PoE စနစ်ကို အသုံးပြုပြီး အထူးသဖြင့် IP Cameras များနှင့် Access Points (Aps) များအတွက် အထူး အသုံးဝင် အသုံးတည့်တာကို တွေ့ရပါတယ်။ 

—

၇။ Displays and Interfaces: သုံးစွဲသူ လွယ်ကူစွာ ထိန်းချုပ်ကိုင်တွယ်နိုင်စေဖို့

ELV စနစ်များမှာ သုံးတဲ့ စက်ကိရိယာများကို အချိန်နဲ့တပြေးညီ စောင့်ကြပ်ကြည့်ရှုဖို့နဲ့ ထိန်းချုပ်မောင်းနှင်ဖို့ အတွက် Display များက မရှိမဖြစ် လိုအပ်ပါတယ်။ Display များရဲ့ ပံ့ပိုးမှုကြောင့် စနစ်များရဲ့  အသုံးပြုနိုင်စွမ်းရည်နဲ့ စောင့်ကြည့်ထိန်းချုပ်နိုင်စွမ်းများ ပိုမို မြင့်မား ကျယ်ပြန့်လာစေမှာလည်း ဖြစ်ပါတယ်။ 

– Touchscreens

ELV စနစ်များ ထိန်းချုပ်မှုအတွက် အလိုလျောက် ထိတွေ့ နိုင်သော အင်တာဖေ့စ်များ၊ စိတ်ကြိုက်ပြင်ဆင်နိုင်သော အပြင်အဆင်များနှင့် ပိုမိုကောင်းမွန်သော အပြန်အလှန် တုံ့ပြန်မှုအတွက် မြင့်မားသော ရုပ်ထွက်အရည်အသွေး များကို ပံ့ပိုးပေးပါတယ်။

– Monitors

စောင့်ကြည့်ရေး စနစ်များအတွက် မရှိမဖြစ်လိုအပ်သော၊ ရုပ်ထွက် အရည်အသွေး မြင့်မားသော မော်နီတာများသည် လုံခြုံရေး စနစ်များ အတွက် အသေးစိတ်ခွဲခြမ်းစိတ်ဖြာခြင်းနှင့် သက်သေ အထောက်အထားများ ပြန်လည်သုံးသပ်ခြင်းကို လုပ်ဆောင်နိုင်စေဖို့ ထောက်ကူပြုပါတယ်။

– Keypads

တံခါး အဝင်အထွက်ထိန်းချုပ်မှုနှင့် အချက်ပေးစနစ်များအတွက် အသုံးပြုထားသော၊ အလင်းအားနည်းတဲ့ ပတ်ဝန်းကျင်များတွင် လုပ်ဆောင်နိုင်စွမ်းကို သေချာစေရန် backlit keypads များကို အသုံးချခြင်းအားဖြင့် အသုံးပြုသူများအတွက် ပိုမို၍ အဆင်ပြေစေပါတယ်။

—

၈။ Mounting Accessories: အကောင်းဆုံးလုပ်ဆောင်နိုင်စေရေးအတွက် စနစ်တကျ တပ်ဆင်မှု

ELV စနစ်များအတွက် အသုံးပြုတဲ့ ကိရိယာများကို ဘေးကင်းလုံခြုံစွာနဲ့ ပြင်ပပတ်ဝန်းကျင် အနှောင့်အယှက်များမှ ကင်းစေဖို့အတွက် တပ်ဆင်တဲ့ ထောက်ကူ ကိရိယာများကို အသုံးပြုဖို့ လိုအပ်ပါတယ်။ ဒါမှလည်း 

– Racks and Cabinets

Server များ၊ Switches များနှင့် အခြားစက်ပစ္စည်းများအတွက် လုံခြုံသော ထည့်သွင်း ထိန်းသိမ်းရန်အတွက် လော့ခ်ချထား၍ ရသော လေ၀င်လေထွက်ရှိသော Rack နှင့် Cabinet ဒီဇိုင်းများသည် လုံခြုံရေးနှင့် အပူထုတ်လွှတ်မှု လျှော့ချရေးအတွက် ပိုမိုကောင်းမွန်စေပါတယ်။

– Enclosures

ဖုန်မှုန့်၊ အစိုဓာတ်နှင့် အပူချိန်လွန်ကဲခြင်းကဲ့သို့သော ပတ်ဝန်းကျင်ဆိုင်ရာအချက်များမှ ထိလွယ်ရှလွယ်သော အီလက်ထရွန်းနစ်ပစ္စည်းများကို ကာကွယ်ရန်အတွက် သတ္တုဖြင့် ပြုလုပ်ထားတဲ့ အိမ်ခွံကို တပ်ဆင် အသုံးပြုကြပါတယ်။။ ကြမ်းတမ်းပြင်းထန်တဲ့ ပြင်ပ ရာသီဥတုဒဏ်ခံနိုင်သော အဆင့်သတ်မှတ်ထားသော အကာအရံများသည် အကြမ်းခံသော ELV စနစ်များအတွက် အထူးအရေးကြီးပါတယ်။

– Mounting Brackets:

သင့်တော်မှန်ကန်တဲ့ Bracket များနှင့် ကင်မရာများနှင့် အာရုံခံကိရိယာများကဲ့သို့ စက်ပစ္စည်းများကို တပ်ဆင်ခြင်းအားဖြင့် သင့်လျော်သော ချိန်ညှိမှုနှင့် တည်ငြိမ်မှုကို ရရှိစေရန် သေချာစေပြီး မှားယွင်းမှု သို့မဟုတ် ပျက်စီးမှုအန္တရာယ်ကို လျှော့ချပေးပါတယ်။

—

၉။ Software and Integration Tools: စနစ်ကြီး တစ်ခုလုံးနောက်ကွယ်က ဦးနှောက်

ELV Systems များအချင်းချင်း ချိတ်ဆက်လုပ်ဆောင်ခြင်း၊ စောင့်ကြပ်ကြည့်ရှုခြင်းနှင့် တွဲဆက် ထိန်းကျောင်း မောင်းနှင်ခြင်းတို့အတွက် Software များက လုပ်ဆောင်ပေးပါတယ်။ 

– Management Software

ကင်မရာများ၊ ထိန်းချုပ်မှုယူနစ်များနှင့် သတိပေးစနစ်များကဲ့သို့သော စက်ပစ္စည်းများကို အချိန်နှင့်တပြေးညီ စောင့်ကြည့် ထိန်းချုပ်ခြင်း။ ဒက်ရှ်ဘုတ်များနှင့် သတိပေးချက်စနစ်များသည် ထိရောက်သော ဆုံးဖြတ်ချက်ချရန်အတွက် လုပ်ဆောင်နိုင်သော အသေးစိတ်အချက်အလက်များကို ပေးဆောင်နိုင်ဖို့ Management Software များကို အသုံးပြုရပါတယ်။

– Integration Platforms

မတူညီသောစနစ်များကြား အပြန်အလှန်လုပ်ဆောင်နိုင်မှုကို အသုံးချခြင်းအားဖြင့် အလုံးစုံလုပ်ဆောင်နိုင်စွမ်းကို တိုးတက်စေမှာလည်း ဖြစ်ပါတယ်။ BACnet နှင့် KNX ကဲ့သို့ Open Standards များသည် စနစ်ပေါင်းစည်းမှုကို ရိုးရှင်း လွယ်ကူစေပါတယ်။

– Cloud Solutions

အဝေးထိန်းစီမံခန့်ခွဲမှု၊ လုံခြုံသောဒေတာသိုလှောင်မှုနှင့် ကြိုတင်ပြင်ဆင်ထိန်းသိမ်းမှုစွမ်းရည်တို့ကို ပေးဆောင်ပြီး အနာဂတ်အဆင့်မြှင့်တင်မှုများအတွက် အရွယ်အစားနှင့် လိုက်လျောညီထွေရှိမှုတို့ကို​ရရှိစေမှာ ဖြစ်ပါတယ်။

—

အရည်အသွေးကောင်း အစိတ်အပိုင်းများရဲ့ အခန်းကဏ္ဍ

—————-

ELV Systems များ သက်တမ်းပြည့် ကာလရှည် အကြားအလပ် ချို့ယွင်းမှု မရှိ လုပ်ဆောင်နိုင်စေဖို့ အရည်အသွေးပြည့်ဝတဲ့ အစိတ်အပိုင်းများ ရွေးချယ်သုံးစွဲနိုင်မှုက အထူးအရေးပါလှပါတယ်။ အရည်အသွေးမြင့် ပစ္စည်းများ အသုံးပြုခြင်းအားဖြင့် 

– တာရှည်ခံခြင်း – အစိတ်အပိုင်းတစ်ခုစီ ခဏခဏ ပျက်စီးယိုယွင်းလို့ လဲလှယ်နေရလို့ စနစ်ပျက်ယွင်းနေချိန်မျိုး မဖြစ်စေဖို့ လျှော့ချနိုင်ခြင်း

– သာ၍ကောင်းမွန်သော လုပ်ဆောင်နိုင်စွမ်းရည်  – ခဏခဏ အလဲအလှယ်လုပ်ရခြင်း လျော့နည်း၍ ပျက်ယွင်းချိန် နည်းစေဖို့

စွမ်းအင်အလေအလွင့် မရှိသလောက် ဖြစ်ပြီး သတင်းအချက်အလက် ယုတ်လျော့ အားနည်း ပျောက်ရှမှု မရှိ ဖြစ်စေခြင်း

– သာလွန်ကောင်းမွန်သော လုပ်ဆောင်မှုများ

စွမ်းအင်ဆုံးရှုံးမှု အနည်းဆုံးနှင့် အချက်ပြမှု ကျဆင်းမှုတို့ဖြင့် ထိရောက်သော လည်ပတ်မှုကို အာမခံစေနိုင်မှာ ဖြစ်ပါတယ်။

– စံနှုန်းများနှင့် ကိုက်ညီခြင်း

တင်းကျပ်သော နည်းပညာဆိုင်ရာ သတ်မှတ်စံနှုန်းများနှင့် ကိုက်ညီခြင်းဖြင့် အန္တရာယ်ကင်းရှင်းပြီး ပြည့်ဝစွာ လုပ်ဆောင်ပေးစေနိုင်ခြင်း

– Regulatory Compliance

လုပ်ငန်းလောက၏ အန္တရာယ်ကင်းစေရေးနဲ့လုပ်ဆောင်နိုင်စွမ်းဆိုင်ရာ စံသတ်မှတ်ချက်များနှင့် ကိုက်ညီစေရေး 

– အနာဂတ်တွင် ထပ်မံတိုးချဲ့ရာတွင် အတားအဆီး မရှိခြင်း  

အသစ်တိုးတက်ဖြစ်ပေါ်လာမည့် နည်းပညာဆိုင်ရာ တိုးတက်မှုနှင့် လိုက်လျောညီထွေစွာ လုပ်ဆောင်နိုင်ပြီး ထပ်မံ တိုးချဲ့ အဆင့်မြှင့်တင်မှုများအတွက် အသင့်ဖြစ်စေခြင်း 

– Future Scalability

ထပ်မံ တိုးတက် ဖွံ့ဖြိုးလာလျက် ရှိတဲ့ နည်းပညာများနှင့် ပေါင်းစည်းမှုကို လွယ်ကူချောမွေ့စေပြီး စနစ်စွမ်းရည်များကို တိုးချဲ့ရာမှာလည်း အလွယ်တကူ ပြုလုပ် ချဲ့ထွင်နိုင်စေမှာ ဖြစ်ပါတယ်။

—

ELV System မှာ ပါဝင်တဲ့ အခြေခံကျတဲ့ အစိတ်အပိုင်းများကို တပ်ဆင်မှု လုပ်ငန်းစဉ်တစ်လျှောက်လုံးရှိ စီမံကိန်းနဲ့ ဆက်စပ် ပတ်သတ်သူများ အားလုံးက ထဲထဲဝင်ဝင် သိနားလည်ထားခြင်း အားဖြင့် အားကိုးအားထားပြုနိုင်သော၊ လုပ်ဆောင်နိုင်စွမ်းရည် မြင့်မားသော၊ မြင့်တက် ပြောင်းလဲလာလျက်ရှိတဲ့ နည်းပညာအားဖြင့် တောင်းဆို စိန်ခေါ်မှုများကို ကြံ့ကြံ့ခံနိုင်သော စနစ်များ တည်ဆောက်အကောင်အထည် ဖော်သွားနိုင်မှာလည်း ဖြစ်ပါတယ်။ ခေတ်မီ အဆောက်အဦး ကွန်ရက်များအတွက် ဆက်သွယ်ပြောဆိုနိုင်စွမ်း၊ အလိုလျောက် ထိန်းချုပ် မောင်းနှင်နိုင်စွမ်းနဲ့ အန္တရာယ်ကင်းရှင်းစေရေးအစီအမံများအတွက် နည်းပညာဖြင့် ထိန်းကျောင်းမောင်းနှင်သော ကမ္ဘာကြီး ဖြစ်ပေါ်လာစေဖို့အတွက် ဒီ စနစ်အစိတ်အပိုင်းများဟာ မရှိမဖြစ် ဖြစ်နေဦးမှာပဲ ဖြစ်ပါတယ်။